حتى لو مريت بتجارب كتير سيئة سواء علاقات أو صداقات فاشلة — و دة لسببين
اولاً : لو فضلت عايش دور الضحية هتتحول لضحية بالفعل و هتفضل تجذب لحياتك ناس مؤذية أو على الأقل ناس مش شبهك .
ثانياً : اعرف إن حتى لو كنت شخص كويس جداً مع الناس دى فأكيد فيك حاجه ساعدت على أذيتك ( خاصةً لو الأمرمتكرر ) ،، لازم تواجه نفسك و تعرف ليه بتشد الضرر ليك.
من ضمن الأسباب هو الاحتياج الدائم للتواصل ..
بمعنى انك قد تكون شخص محتاج دايماً حد يتكلم معاه و يحس بيه يفرح معاه و يشاركه حزنه — و الحل انك تتعود تستمتع بكل شيء حتى لو لوحدك و تتأكد أن الوحدة افضل كتير من وجود إنسان مؤذى .
فيه سبب تانى و هو الإحتياج للحب و التقدير ..
هنا انت بتحس بضرورة وجود شخص كأنه مرايتك
تشوف نفسك بعنيه يقولك دايما على مميزاتك و يدعم ثقتك بنفسك —- و الحل انك تبدأ تشوف ذاتك بعيونك انت ،، تدخل جوة نفسك و تدرك ميزاتك و عيوبك و تقبلها
لأن محدش محتاج نظرة اعجاب ترفعه لو هو
عارف قيمة نفسه .
و عشان كمان متسمحش انك تكون ضحية لازم تحكم عقلك اللى بيحصل فى العلاقات السامة إن فيه طرف بيتعامل بعفوية مشاعره و بيتصرف طول الوقت بطبيعته و يسيب شعوره ينجرف ،،،، لكن الطرف التانى ( السام ) بيفكر
و يخطط دايما .. عقله هو اللى متحكم .
بدليل أنه فى البداية هيسمعك كويس اوى و يحتويك جدا مش حباً فيك … لكن عشان يعرف نقط ضعفك و يدرسها كويس و يلعب عليها بعد كدة … العلاقة بالنسبة له عاملة زى السلم بيطلعه درجة درجة .
بالنسبة لك ماشى بقلبك لكن بالنسبة له كل حاجه ليهاحسابات !!!
و فى نهاية كلامى مش بقولك لو انت شخص طيب و نقى اتغير —- بالعكس خليك زى ما انت بس اتعلم تقدم طيبتك و نقاءك للى يستحق .