اوقات اما بتزعل من حد

بقلم سوزان عادل اوقات اما بتزعل من حد بتحبه وبيكون الانسان دا ليه
مكانه كبيرة في قلبك⁦
الزعل وقتها مبيكونش مجرد زعل .. دا بيبقا جرح
ووجع مبتقدرش توصفه وقتها بيكون قلبك واخد
علي خاطره .. قلبك بيبقا موجوع اووي وبتحس انه
بيئن .. وقتها بتبقا عايز تقول للشخص دا ..
لو تعرف اد ايه انا بحبك و لو تعرف القلب اللي إتوجع
بسببك دا شايفك ازاي و قتها لسانك بيتلجم .. حتي العتاب و
اللوم مبقاش يفيد .. بتكتفي بالصمت وانت موجوع ..
لان كلامك وقتها مش هيخفف جرحك ولا هيعوضك
عن وجع قلبك .
بس لو قلبك بيتكلم كان هو اللي اشتكي لان هو اكتر حد اتاذي من الحب دا .
بلاش تقسوا علي اللي بتحبوهم لمجرد انكم متاكدين
من حبهم وواثقين انهم هيتحملوا ⁦
الجمل مهما اتحمل مشقة السفر هيجي عليه وقت و
ينخ ومش هيقدر يكمل .
كل جمل وليه طاقة و كل قلب و ليه قدرة تحمل ..
الزعل بيوجع علي قدر الحب اللي شايله جواه . بس الزعل٠ مش بس بيوجع القلب دا بيعوره …
تخيل انت بقا مجرد تعويره في ايدك مش بتتحملها ما بالك بقا لو التعويره دي كانت في قلبك …
حافظوا علي الناس اللي بتحبوهم