***(( حكاية صورة ))***
إعلام وأستعلام
وليد حسين عمر
بفتكر أيام زمان كان عندنا تلفزيون أبيض وإسود .. وكانت القلوب بيضة والإسود ملوش مكان وسطينا .. والحياة كانت سهلة وبسيطة .. وكان التليفزيون بأكرة وزراير وبيبث إتنين قناة القناة الأولى والقناة الثانية … وكانت اللمة حلوة وإحنا بنتفرج على مسلسل الساعة ٧ مساءا … وكان الإريال فوق سطوح عالى .. وكان البال والفكر خالى وكنا نلعب إستغماية ونخلص ونجرى نلحق الفزورة والتمثيلية ..كنا نسمع حديث الروح ونشرة أخبار الساعة ٩ ونختم بالقرأن .. كان فيه برامج حلوة للأطفال ماما نجوى وبقلظ ، نادى السينما وماما عفاف الهلاوى وبابا ماجد وكرتون يااااااه وكمان كان فيه مقدمين برامج محترمين … الأساتذة الكبار ( محمود سلطان ؛ أحمد سمير ؛ أحمد فراج ؛ جمال الشاعر ) وغيرهم كتير ومش هنسى العالم الكبير حامد جوهر وعالم البحار والإعلامية هند أبو السعود وجولة الكاميرا كنا نصحى بدرى نجرى ونلعب وقدام التليفزيون نستفيد ونتعلم مثل وقيم كتير .. حاسس دلوقتى إنى بفتقد الأيام الجميلة الحلوة وفى حاجات كتير إتغيرت .ومبقتش زى زمان . حقيقى أيام زمان كان فيها حاجة حلوة . ؛؛؛؛
ياريت كل واحد يفتكر برنامج كان بيحبه أو مذيع يذكره ويفكرنا بيه ***
