تعبت من الليالي
شعر/سكينة الصولي
تعبت من الليالى
والفرح أصبح قليل
وبأحاول أكون مثالى
لكن الليل٠٠٠٠ طويل
ولا فيش أفراح بتفضل
ولافيه أحلام بتكمل
وأقول ياليلى إعقل
يقول لى ده مستحيل
تعبت ٠٠٠ من الليالى
***************
أمتى يافرح٠٠٠ تظهر
وتكون الفرحة٠٠٠ أكبر
والدنيا تضحك لى تانى
ويعدى اليوم فى ثوانى
مليان أفراح وأغانى
والجو يبقى جميل
وأقول ياليلى إعقل
يقول لى ده مستحيل
تعبت من الليالى ٠٠
***************
يافرح دق ** أبواببي
جمع ع الحب أحبابي
خلينى أفرح وأزقطط
م الفرحة أجرى وأتنطط
وبلاش فى عمرى أتخبط
وأقضى حياتى فى الويل
وأقول ياليلى إعقل ٠٠
يقول لى ده مستحيل
تعبت من الليالى ٠٠
****************
ياليالى خلاص كفياكى
ضيعتى عمرى معاكى
نفسي أدوق من تانى
الفرحة ٠٠
وألقى الدنيا جميلة ومرحة
كل أتنين بالتوب والطرحة
والليل يضوى٠٠ بالقتاديل
والأفراح فى ليلى بتلالى
ولا نتعب وياكى ياليالى
تعبت من الليالي
