تيجي نحلم
تيجي نحلم بقلوب صافية
مليانة سلام
تيجي نحلم إن احنا
عايشين في وئام
ونمد إدينا لحبايبنا
وللكل كمان
تيجي نرسم بكره
لأمانينا شمس وخضرة
وأغصان وحمام
ونعلي الضحكة المكبوته
في عيون الطفل أما ينام
يحلم بربيع عمره الأخضر
مستني بيضحك قدام
وفارشله طريقه ليوم غده
ورد وريحان
ونسايم ليل بتبوس خده
وحكاوي جميلة أما ينام
وشبابنا الواعد عوده شده
مالهوش في سجارة
أو برشام
وبلدنا جميلة أحمد مع مينا
جسد واحد مشدود بحزام
وحزامنا أمان إسمه الوحدة
من غيره هنسقط ونام
وعروبة عنوانها الوحدة
وأصولها ماتعرف خزلان
والقدس تعودلك ياعروبة
تتحرر من إيد سجان
و في الأقصى صلاتنا الموعودة
وتتفتح كل البيبان
ونصلي صلاتنا المكتوبة
وفي الأقصى يدوي الآذان
بقلم الشاعر فهمى محمود حجازي
