ادب وثقافة
جوة الصور حكايات كتير ..
جوة الصور
حكايات كتير ..
هنا السباعى
جوة الصور
حكايات كتير ..
ولكل لون معني
كبير
وخطوط تجمع
نفسها
وتحكي الريشة
عنها
حكايات كتير
كلمات تعبر
عن شوق اسير
اشعار تفكرنا
اننا جوة الصور
اوقات نطير
اوقات نغني
معاها
لما الوانها تغير
اوقات بنبكي
لحزنها
في سحر ليل
اما بشوف خوف
الصور
بحب اطمن قلبها
واكتب لها
حكايات جواها
عشتها
في حبي الكبير …
جوة الصور
حكايات كتير …
ولكل قلب عيون
بتحكي في سحرها
دا ضحكها ..
ودا رحلة سافرت
ونسيت ارضها
ودا عاشق هايم
جوة قلب قلبها
وانا لما بشوف
الصور
بفرح واطير
في سماها
واحكي
عنها اشعار كتير
جوة الصور
حكايات كتيييير. …….!
بقلم الشاعرة / هنا السباعي
