حروفنا عنوان السلام

…….حروفنا عنوان السلام…….
……. كلمات يحيى العبادي……
===================
شكراً بجد لاي…….. حد جميل
الي لطبع الأصل…. دائما يميل
شكرا لكل راعي للسلم والسلام
وابعد عن الي في الحب بخيل
شكرا لكل حد قال نحيا بالسلام
شكرا وقالها فعل طبعا مش كلام
والي كاره للكل فوته ماتدعهوش
عشان وجوده وسط البشر حرام
شكرا لكل خلق الله الي فيهم ضمير
شكرا لكل الخلق الصغير والكبير
الي عشت حياتي اشوفهم كبار
والي قلبي في هواهم ياناس اسير
شكرا للي قال بكره بالحب يتغير
شكرا لكل جميل في عرسنا اتصور
الي كان هدفه زينا أمن وسلام
يارب كل الخلق بالحب وشها ينور
مش هاودع بالحروف يوم وامشي
انا الي صاحي بالأمل مانام رمشي
يابحر حلم الحياه ياقلب كل جميل
ان كنت مش قد حلمك فوته لنا وامشي
احنا السلام وللسلام عمرنا مرهون
احنا الحروف والي يخاف هنا مجنون
دائما هانكتب ونرسم علي الجدار الخط
يوم هاتقري حروفنا بشوق وتبقي زبون