الكذاب استاذ الكذب ورئيس قسم رأس النفاق استاذ واكيل علي كل الموائد لسان احلي من السكر قلب مخادع الكذب منهج واستراتيجية للوصول للكرسي في سنوات بسيطه مش بعيده من ٢٠١١ تحول من حواري منشية التحرير الي شوارع وميادين اصبح حوت من حيتان مصر مش عين شمس ناعم لا تعلم عنه عن اي عقيده يتبعها من اكثر الصفات انه كذاب كذاب كذاب …بكل امانه العز بان عليه عامل كارنيه لدي القنوات الفضائية بيحب الكارنيهات موووووت اي حاجه مكتوب عليها شمس تجده راشق فيها انتخابات عضوية مجلس النواب بعين شمس تمنها كرتونه وبكام ملطوش والناس بجد معذوره مش لقيه اللضا ..علي فكره هو اخره مركز شباب منشية التحرير وكان بيتمني يدخله ..
عزيزي القارئ احب ابشرك بعد ما عين شمس بتثتغيث من الاهمال ونقص الخدمات من شوارع متكسره واسواق عشوائية واراضي نهبها واراض بيتقدم عليها للحصول علي تعويضات او استردادها بعد ما تم نزع ملكيها سبوبة جديده مش لازم تتساب ده فيها ملايين وسمسره وعمولات والتأشيره ليها تمن وكل برغوت علي اد دمه يعني تقول كده عين شمس بيتم تفكيكها وكل موضوع له قطع غيار ايه يعني ارض مخصصة مدرسه صنايع وتعود مره اخري لمن وضع يده عليها البديل تعليم عن بعد نادي اجتماعي للمعلمين البديل المعلم غلبان ومكسور الجناح وملهوش صوت الكل بيضرب فيه ..مسيلمة الكذاب شغال في موضوع السبوبة علي ودنه وبيسابق الزمن اصل عين شمس عزبة بجد( من وفي)يعلم متي ينقض …علي اي حال مطبلاتية السلطان ماسكي الصاجات يخرحوا علينا بانجازات اخينا بجد انا محرج جدا لان اخينا استغل طيبة اهالينا واستغل حصانته لنفسه ولمصلحته …يامن تلمون علي المرحوم مصطفي غباشي ..مصطفي غباشي عمل من الزهراء مدينه من كفر فاروق لمدينة الزهراء ولكن اخينا عمل من مدينة الزهراء الي بلده في ادغال افريقيا حد يكلمني عن شوارعها او انارتها او مياها والمواقف العشوائية والاسواق والقمامة تقول ايه ولا ايه خلي الطابق مستور..
عزيزي القارئ اخواتنا أعضاء المجالس المحلية وقت ماكانت مجالس محلية كنا مدينه ولينا تقل من الاعضاء حد فاكر ال22ولا ناسين علي اي حال امجاد عين شمس ستعود بالفعل مع نائبنا المعتز بالله عبد الرازق البنجي مشروعنا القومي يا اهالينا
…..الخلاصة
ندمان مثل الكاثرين الندمانين لانني كنت يوما ناصح وامين
…..فيتوووووو
متيجي نلعب الشايب الاعمي سيبك من لعبة الكومي علشان الكومي هيتحرق في ايدك
