حين ينهض القلب بعد تعب طويل
بقلم/نشأت البسيوني
حين ينهض القلب بعد تعبٍ طويل بنكتشف إننا طول الوقت كنا ماشيين في رحلة أعمق بكتير مما كنا فاكرين رحلة فيها محطات بتكسر وفيها محطات بتقوي وفي النص بين الاتنين بنلاقي نفسنا بنتغير من غير ما نقصد يمكن لأن الطريق نفسه كان بيشكل جوانا حاجات ما كانتش هتظهر غير وسط التعب والوقفة الطويلة اللي بنفتكرها ضياع لكنها كانت بتبني فينا قوة جديدة من حيث لا ندري
وفي لحظة ما من غير أي إنذار بنصحى ونلاقي إن روحنا محتاجة ترتاح من كل اللي حوالينا محتاجة تهرب من الزحمة ومن الأصوات المتشابكة اللي بتتخانق جوا دماغنا ومحتاجة تسأل نفسها واقفة ليه وتعبانة ليه يمكن لأننا طول الوقت بنطارد حاجة مش واضحة بنكبر السن جوا السنين واحنا لسه جوا روحنا طفل بيدور على أمان بسيط ضاع في وقت ما الحقيقة إن الإنسان بيعيش سنين وهو
بيحارب نفسه أكتر بكتير ما بيحارب الدنيا بيخاف من قرارات كان لازم ياخدها بدري وبيهرب من مشاعر كان لازم يواجهها وبيسكت في مواقف كان المفروض صوته فيها يطلع ومع كل ده القلب بيتعب ويتكسر ويتلخبط لكنه واقف زي حجر بيعرف يشيل فوقه آلاف الذكريات والمواقف الحلوة والموجعة من غير ما يشتكي لأنه جواه قدرة غريبة على ترميم نفسه حتى لو اتكسرت كل الحتت
وكل مرة بيرمم فيها روحه بيطلع إنسان جديد مختلف أهدى أعمق وأقرب لنفسه والأغرب إن اللحظات اللي بنفتكرها نهايات بتطلع هي بداية الطريق الحقيقي الطريق اللي بنتخلص فيه من كل اللي كان بيشدنا لورا الطريق اللي بنفهم فيه إن الناس اللي اختفت من حياتنا كانت مرحلة مش خسارة وإن الوجع اللي وقعنا كان درس مش هزيمة وإن الصبر اللي استنزفنا كان هو نفسه اللي بيبنينا خطوة
خطوة من غير ما نلاحظ وكل ده بيخلينا نكتشف في الآخر إننا ما كناش بندور على نهاية الطريق إحنا كنا بندور على نفسنا ولما لقيناها عرفنا إن اللي فات ماكسرناش زي ما افتكرنا وإن اللي جاي لسه قادر يدهشنا وإن الروح مهما اتعبت بتقدر تقوم تاني وتعرف تحب نفسها تاني وتعرف تكمل في طريق عمره ما كان سهل لكنه دايما كان بيشكلنا بالطريقة اللي نستحقها وفي نهاية الرحلة بنشوف
بعين أوضح إن كل خطوة موجوعة كانت بتقربنا من نفسنا أكتر وإن الطريق اللي حسبناه صعب كان هو اللي بيصنع جوانا النسخة اللي ربنا كان كاتب إنها تظهر مهما اتأخرت وفي اللحظة اللي نفتكر فيها إننا وصلنا للنهاية بنكتشف إن النهاية دي نفسها بداية جديدة لأن القلب لو وقف مرة بيقدر يرجع يقف ألف مرة ولأن الإنسان مهما اتكسر بيعود يقف على رجليه من تاني ويمكن أقوى من الأول
ومش لأن الطريق هان عليه لكن لأن اللي جوانا أقوى من أي وجع ومع كل خطوة بنعرف إن الرحلة اللي كانت بتخوفنا هي اللي علمتنا وإن الدموع اللي نزلت في عز الليل كانت بتغسل وجع كان لازم يروح وإن كل سقوط كان بيجهزنا لوقفة أثبت وأعمق ولأن الطريق في آخره دايمًا بيكشف الحقيقة هنفهم إن كل لحظة كانت حليفة قدر مش صدفة وإن كل وجع كان بيزقنا لقدّام مش بيوقفنا وإن
كل ضلمة كانت بتدور على نور جوانا لسه ما ظهرش وإن النهاية اللي وصلنا لها دلوقتي مش ختام الرحلة لكنها بداية قوة جديدة اتولدت من جوه القلب بعد تعب طويل
حين ينهض القلب بعد تعب طويل
