من ديوان
(خارج الزمن ) لخالد الجمال
قصيدة (صرخة تئن )
………………..
لما برد دم العروق
تبعد تروح عنا الحياة
نلقي روحنا ملناش حدود
واللي يعود مدبوح حروف
شاربة خوف حبل السوكات
اللي مات جوة التاريخ
قبل الشروق أمتي نفوق
وتحيا فينا الذكريات
من عصر فات
لما صلاح كتب الصلاح
والسماح فجره لاح
للقدس يضحك والأقصي باح
وتاريخنا يشهد بأيد قوية
كسبوا القضية
لما راحت من أدينا
انشغلنا بالوعود
من اللي يرعي واللي يحود
وف كل دا ملناش وجود
إلا ف خيال إللي مال
بأي حال ساب الطريق
نلف ندور زي السواقي
ونلقي أيه اللي باقي
صرخة طلة مش بعيده
جوة روحنا ملقتش مطرح
تصرخ تئن
حروف جرحها
واللي صنعها
قام دبحها
يوم فرحها
لحد أمتي تكتب كتابك
حروفه خوف
غيرت أسمك
ورسمت رسمك
وجه يقاسمك
اللي عمره ما كان حبيبك
ما أنت سامي
حقيقة ولا حبة أسامي
إسرائيل مش همة همة
اللي كانوا في الأصل أمة
دول شتات ملمومة لمة
يوسف وقالها
خبي ف أثارها
وف نفسه شالها
أمتي السماح
القدس تصرخ
ف أيد غريبة
والأقصي نادي
كفاية طيبة
داسوا الكنايس
والمعابد واللي عابد
والمساجد وقت الصلاة
لساك بتسأل
عن الحياة ……؟
الأديب الشاعر والسيناريست خالد الجمال
خارج الزمن صرخة تئن
