خايف يا حبيبي

خايف يا حبيبي
بقلمي الشاعر محمد عبد العزيز رمضان
أنا خايف يا حبيبي
عنك أبعد بعيد
وأسيبك يا حبيبي
مش راجع من جديد
وكفايه خلاص ياقلبي
أنت حبي الوحيد
لو ترجع مره تانيه
يا حبيبي بإيه يفيد
وغدرت وبعت حبي
جرحك صعب وشديد
كان نفسي تكون معايا
نبني بيتنا السعيد
بس نهيت الحكايه
وطلعت كمان عنيد
وفاكرني هعيش عشانك
إنساني أنا مش هعيد
قصة غدر وخيانة
عامل نفسك شهيد
أنا خايف يا حبيبي
وبقولك روح سلام
أنت نهيت اللي بنَّا
وتعبت أنا م الخصام
فكرتك يوم هتندم
راح تفتكر الغرام
بس لقيتك أناني
ما يهمكش الملام
وطلع كل اللي قلته
َوهم وقصه وكلام
والحلم اللي حلمته
ضاع منَّا في الزحام
أنا خايف يا حبيبي
وبقولك حبي مات
وقتلته بإيديك أنت
ونسيت كل اللي فات
وسنين العمر عدت
ما بقاش غير ذكريات
مش ممكن يوم هخبي
أنا بفتكرك ساعات