خدت الدرس

خدت الدرس

الشاعر الغنائي/ وليد هيبة 

أتعلمت صحيح متأخر 

بعد ماضاع المال والورث ..

انا مش هبكي خلاص واتأثر ..

أتعلمت خلاص من الدرس ..

بعد ما أعز احبابي خانوني ..

والأصحاب في الشده فاتوني ..

اللي أنا كنت تملي ساندهم ..

وف احزانهم كنت سندهم ..

راحو في عز الأزمة باعوني ..

لما المال بيكون فى اديك ..

تلقي الناس ديما حواليك ..

وأما يحسو أن انتا فى أزمة ..

كلو يقولك دا ملوش لازمه ..

أبعد عنه أحسن يأزيك ..

زي ما فيه في الدنيا غلابه ..

فيها ناس بردو غيلان وديابه

من دلوقتي راح أخد بالي …

أتعلمت من اللي جرالي ..

أن الدنيا ياناس قلابه ..

من دلوقتي هبص لروحي ..

وأصحي ولمم كل جروحي ..

واللي باعوني خلاص هنساهم ..

واللي خسرتو زمان وياهم ..

مش هفتكرو وهنسي جروحي ..

قلبي الطيب عدي زمانو ..

واللي باعوني وضحكو وخانو ..

بكره تدور الدايره عليهم ..

بكره جراحي تعلم فيهم ..

قلبي دفنتو حطيت حبه جبس مكانو ..

خدت الدرس