..دا العيب فيك.. بقلمي/السيد حسن (فتحي ابو طاحون) انت مفكر نفسك إيه ؟ أوعى تفكر روحك حاجة ؟! قلبي مهما حتأسي عليه ؟ شبعان ومشاعره مش محتاجة ؟! انما قلبك بجدار مكسور. عطفت عليه وخليتك حاجة.. وبعد ماكان فاضي ومهجور ؟ مليته عليك شوق وسعادة ؟! ..انت مفكر نفسك إيه.. اوعى تفكر روحك حاجة ؟؟ داانت يادوب خيط دخان. نفخته فطار كأنه ما كان!! بعتبرك ورقة حدفها الريح. لا حتأذي ولا تسيب تجريح!! ايه يعني حتطرف لي عيوني ؟ ما ياما قبلك كتير حبوني ؟! واما سابوني..ماقلتش ليه ؟ قلت حيجي غيرهم وزيادة ؟؟! ... أنت مفكر نفسك إيه.. اوعى تفكر روحك حاجة؟؟؟ أنت من ضمن الغدارين. اناني وخاين كمان كداب.. عيب لو تبكي عليك العين. ياللي هربت من تحت الباب!! فاكر بعدك أنا راح اموت. او أصرخ واعلي الصوت ؟؟ ماتسبنيش واتذلل ليك ؟ تبقى عبيط دا العيب فيك ؟! .... أنت مفكر نفسك إيه.. أوعى تفكر روحك حاجة ؟؟؟؟ بقلمي السيد حسن. (فتحي ابو طاحون) ..دا العيب فيك
