(( ذكري ثورة يناير ))

…….(( ذكري ثورة يناير ))……….

د/عمر عبد الجواد عبد العزيز

(( ذكري ثورة يناير ))

لو كنتوا نسيتوا…أنا مش هنسي
ثورة يناير…….. أبداً… مش نكسه ….
فساد و استعباد……و قهر و أمراض
و كل العباد ………. كانت حاسه
لو كنتوا نسيتوا..أنا مش هنسي
ناس في مية الصرف…….تسبح
و الدوود في الجسم …. يسرح
لا حد قادر يشتكي ..
و لا حد عارف يفصح
و الأقفاص علي الأنفاس .كابسة
لو كنتوا نسيتوا…أنا مش هنسي
مصانع كتير ……..إتقفلت
و عمال بالملايين إتشردت
و ثروات بلادنا……إتهربت..
و أموال التأمينات..
خسروها هناك في البورصة.
لو كنتوا نسيتوا…أنا مش هنسي
مش هنسي .. دم الشهيد
و الورد اللي فتح من جديد
ثوار أحرار ….و الإيد في الإيد
و الأشرار ….فوق الأسوار قانصة
لو كنتوا نسيتوا….أنا مش هنسي
يوم الكلاب مع الذئاب….إتربعوا
في جنح الظلام علي الهُمام…إتجمعوا
و لبيع الوطن قبضوا التمن .. و قطعوا
أيادي لبلادي………كانت حارسة …..
لو كنتوا نسيتوا ..أنا مش هنسي
عادت الروح …من جديد…..
و سري الدم …..في الوريد
و أعداء الوطن……..لبسوا الحديد
و أخدنا بتار الشهيد
و صارت الدنيا لنهضتنا .. لامسة
لو كنتوا نسيتوا …أنا مش هنسي.
ألف تحية …….لشرطة بلادنا
في عيدهم …….و عيد ولادنا
أعادوا ……لينا ……… أمجادنا
يوم عشرين …………و خمسة
لو كنتوا نسيتوا …أنا مش هنسي
★★★★★★★★★★★★★
د/عمر عبد الجواد عبد العزيز .