رانى

راني.

بقلمي/فتحي ابو طاحون.

 راني دى أسم جميل.

حاجة فوق الخيال..

مش اي كلام فيها.

يتكتب أو يتقال..

حورية من الجنة

شفتها جالي جنان..

العيون لؤلؤة والجمال

قمر الزمان..

الخدود ملهاش وصف

اروع من زهر الاقحوان..

الوش طبق بنور بلچيكي أصلي

مش تايوان….

راني..

بعشقها رغم إنها

مش عشقاني.

دايما شايفها بقلبي

رغم إنها مش شيفاني..

ضروري اجيب صورتها و..ف سيرتها.

يبدع في وصفها لساني…

حتى فوق اوراقي اسمها

بيعلي مكاني…..

راني…

رغم نظرة عيونها الجريئة.

تلاقيها طفلة بريئة..

نظراتها سهام بترشق،

طلقات خارقة مضيئة!!!!

طلتها قمر بينور الليل الحزين.

بتغير النجوم من لمعة عيونها المليانة أنين..

والدهب ضيه بينطفى من لون شعرها الداكن،

يطيب من لمسة أيديها الدفيانين رغيف العجين!!!!

راني….

خمرية بلون الطين.

مصرية أصل وصورة..

رموشها فوق العين.

اسنان المشط مسطورة..

لسانها كله بلاغة.

في وصف الحب اسطورة..

هادية هدوء الصمت.و

رغم الجراح منصورة!!!!

بقولها ماتخافيش.

بكره احلى من اللي فات..

أصل إللي فات كان كله خيش.

قدريه ورد ومات..

ابداي من جديد سطري.

أجمل ساعات الذكريات..

إللي حتفضل جواكي عايشة.

تسعدك مهما عدا الوقت وفات!!!!

  رانى