روبابيكيا

 روبابيكيا

     بقلم الشاعر/فتحي ابو طاحون

     ‏ قرب يا جدع. 

          ذيع يا بياع..

          كترت البدع. و

          البيع ع المشاع..

           ألادونا ألادرينا.

          أتفرج يا أفندينا..

          حاجات غالية علينا..

          بقت رخيص تتباع!!

          صبحت روبابيكيا لينا! 

           بعد ماكانت متاع!!

           أخلاق مابقتش تسوى! 

           طيبة بنلاقى قسوة!!

           حتى الرجولة صبحت؟ 

           ف زمنا مش لاقية كسوة!!

           مش ماشى غير الأونطة! 

          بمظهر شيك وشنطة..

          تلاقى تعظيم سلام! و

         نفوق على خراب مالطة ??

         الناس بقت مصروعة! 

         ع المال صارت مفجوعة؟! 

          اقرب ماليهافقير ،و

           صلة رحمةمقطوعة ??

           الأخ بياكل أخوه! و

           الأبن بيبيع أبوه!! 

           حتى الضمير الحى؟ 

            جوه القلوب صلبوه!!

             جشع مالى النفوس و

             علي الغلبان تدوس!! 

            ناس ف الأصل يابا،

            كانوا حبة تيوس!!!!

             عزيز صبح يتذل! 

             ومنه بقى يتقل؟! 

            وقالوا ع الفسيخ؛ 

            علشان معاه دا فل!!!!

            عجبى يازمن العجايب! 

             صار حبل الود دايب!! 

            واللى ف دنيتنا صايب؟!! 

           ضايع ومالهوش نايب؟!!!

  روبابيكيا