زجل قصيد باللهجه العاميه اللبنانيه
بقلم الأديب والشاعر يوشع علي إسماعيل
يا دنيا بلاكي
يا دنيا بلاكي غيري غُري
ولا يوم قلبي كنتِ تُسري
دخيلك عني كِفي بلاكي
بِكفي مصايبك عليِّ توري
صرلي عمر بحمل أزاكي
بموقدة دهاكي حاجي تحري
ولا يوم طمعت أجني جناكي
ليش جمر حقدك بحضني تهري
ياما سَرحت بجنينة حلاكي
وحضرتك بحبل الغوى عم تجري
علقت بشَرك خيطان غِواكي
شيطان نفسي غرقني بِشري
مين العلى بيدري هداكي
حتى حصيد العمر تدري
عميتي عيوني من كثرة شقاكي
ما خليتي حَب بعنبر مقري
اليوم باعك البلأمس اشتراكي
دخلك يا رب تسهل ممري
قبل ما تحققي فيِّ مُبتغاكي
طلقتك ثلاث مرات بلا رجعه
مهما عليِّ دُرك تدُري
بقلم الأديب والشاعر يوشع علي إسماعيل
زجل قصيد باللهجه العاميه اللبنانيه
