زجل قصيد باللهجه العاميه اللبنانيه
بقلم الأديب والشاعر يوشع علي إسماعيل
زجل قصيد باللهجه العاميه اللبنانيه
بصطت كفي
عناقيد الشعر عالدوالي يحلوا
أشقر مذَهب نقوا ستحلوا
وأسود مشنشل لأهل المكارم
لعيون الحلا انوصف كحلوا
بصطت كفي وما كنت حارم
ولاد الشعر قبل ما يطحلوا
بأرض جرده شغلت المبارم
انفجر نبع الزكا بأرض محلوا
بكرَم اخلاق رجعت اتكارم
تيحمل كرمهم بلشت شحلوا
حمل حصرم صار وارم
بترم عصر الدوالي رحلوا
الوقت سيف والحد صارم
شو بدي بعد لجاهل أشرحلوا
كفكف دمعك بقماش المحارم
دمع الأسف بتغرق بوحلوا
كل ما بحاول لبسهم مبارم
عن رخام الزكا زَحلوا
رجعت أهل الفكر والشعر كارم
عن كرسي العرش بلشت زحلوا
ركب خلفي عامهر النار ضارم
ما قدر هدّْا وقع عن رحلوا
وأنا معتاد دفع الزهر مغارم
ما في زهر بفح عطروا
إذا عليه ما غف نحلوا
