الشـريف_أحمد؏الدايم
خواطر أغاني الأسواني
سـهاره الليل احنا
نحب الليل احنا
ندوب فى الليل احنا
مبالي الليل احنا
..ـ..
الشعر والازجال
وعشـقنا الموّال
وسنين على ده الحال
لا كليّنا ولا ارحتنا
سـهاره الليل احنا
..ـ..
ياما فننّا وفكرنا
ورقصنا أفكارنا
حنفضل عايشين لكارنا
وربنا يسامحنا
ولاد الليل احنا
..ـ..
لا بنكذّب ولا بنمثّل
ولا بنتثائب ولا بنكسِّل
الناس من العشا تعسّل
واحنا على ما احنا
ســهاره الليل أحنا
..ـ..
مُخلصين لهوانا
والمجاريح بتهوانا
بنترجم إللي جوّانا
كلمة يزخفها لحنَ
مبالي الليل احنا
..ـ..
سـوامرنا دايماً جابية
كُبار وصُغار وشــايّبة
وتبقى قلوبنا دايبة
لا شـكينا ولا بُحـنا
ولاد الليل احنا
..ـ..
كتبنا اشعار وازجال بيمعاد
ولا خلفناش ميعاد
ونجوم الليل شُـهّاد
علشان محدش يفضحنا
سـهاره الليل أحنا
..ـ..
نلاقي جُهدنا متسـرّب
على النوم والراحة نقرّب
وبس ياجي المغرب
يـدّينا طاقة وشـُحنة
مبالي الليل احنا
..ـ..
كبرنا في الفن وشِـبّنا
وكالشمعة نـُضيء لغيرنا
لأحاسيس الناس عبرنا
واحنا معدومة أفراحنا
مجازيب الليل احنا
..ـ..
ياما سـهرنا ليالي
وقلنا القول الغالي
وعلى الحالة دي طوّالي
وادينا صابرين على المحنة
سـهاره الليل أحنا
