في زمن ندرت فيه الرجولة والشهامة والجدعنة عاد خالد منسي من ليبيا بعد أن ذاق الأمرين في حياته
واد جدع بجد تحس وأنت قاعد معاه أنك في محراب فيلسوف إغريقي قديم عرك الدنيا وعركته وأذلته وطوعها وأهانته وزهد فيها ولكنه أخيرا آمن بحكمة عظيمة أصبح يرددها كل آن يقول المنسي :اللي عند الرجالة ما بيروحش ويسخر من كل شيء حتى من نفسه واحد صاحبنا قاعد معاه ف يوم بيقول له الدنيا مآسي فرد عليه :ليه إنت بتلبس كام ؟
عاد خالد من ليبيا ومعاه يادوب مقدم سيارة اشتراها وشغال عليها وآهي ماشية
قصده صديق في ضمان سيارة قام ناقح عليه عرق المرجلة فراح ضامنه خبط لزق وراح مشيك نفسه يعني كاتب شيك وماضي عليه والشيك يا مولاي على بياض وتوقف الصديق عن السداد فالبائع راح اشتكى خالد منسي بالشيك اللي هو بدون رصيد وراح حاطط كام ؟؟؟؟
600 ألف جنيه يعني صاحبنا مديون بنص مليون جنيه وفوقهم شوية فكة 100 ألف
ليه ياخالد عملت كده؟؟
يقول لك اللي عند الرجالة مابيروحش وأخيرا بدأ خالد منسي (والله اسمه كده )يكلم نفسه ويسخر مما حدث له بطريقة تثير الضحك والبكاء معا
ازاي معرفش هي دي حكاية خالد المنسي وحلفني بألف يمين إنه عايز يشوف اسمه مرة في الجورنال
