عالبحر والجو دافي
الشاعر سمير شيّا
الشمس طالعة عالبحر والجو دافي
وطيور عموج البحر عاملي مضافي
زهر عشط بحر مواجو عالرمل غافي
حن الرمل عدعسات أقدامك الحافي
شفتك وما إدري كنت واعي أوغافي
إنت حورية بحر وشفافك دوا شافي
ت حس بلمستك اللمس ما كان كافي
حملتك ع ظهري غارت عليك كتافي
قال ظهري شو هالدواء للوجع شافي
إنت الشفى أو الموج ل عالرمل غافي
من الظهر غار القلب وفتحلك مضافي
الك يا حلوة لجمالك عسل نحل صافي
جمال شفافك بهرني شو حرّك بشفافي
وعيونك الزرقا بلون السما أزرق صافي
وبشرتك يا شقرا تبر أصفر ذهب صافي
