عشق البنيه قدر
عادل محمود
وش البنيه قمر
بحاجبها تتعاجب
عشق البنيه قدر
حكم الهوى غالب
قلب البنيه حجر
شعر الولد شايب
ظن البنيه بشر
اصل الولد خايب
اتعلق بحبل الهوى
وحبل الهوى دايب
وعشان مالوش ف الدلع
ولا كان هواه مصطنع
قلبه الامين انخدع
وأهين عليك يا جدع
مكتوب عليك الوجع
إكشف وقول ياودع
احنا ف زمان العفن؟
فيه القلوب تدفن ؟
من غير غسول ولا كفن ؟
ولا حد ينعيها ؟
ولا ف زمان الهوى ؟
وكل جرح بدوا ؟
واللى فؤاده انكوى
يداوي بعنيها
يداوي بعنيها
عشق البنيه قدر
