كلمات يحيى العبادي
=============
كل كتاب له عنوان
وكل سطر له مكان
مهما تكتب من حروف
افتكر غدر الزمان
النهار ده وقتك جديد
حرف قلمك بيه سعيد
بكره بيك يجري الزمن
تلقي نفسك بيه وحيد
لما شعرك يوم يشيب
حرف قلمك يكون غريب
فيه كلام ممكن تقوله
وفيه كلام للسن عيب
لحظه حاسب انتظار
افهم واعرف آيه الحوار
كل كلمه ليها معني
وكل حرف وليه مدار
اكتب براحتك الي فيك
الي عاش عمره يلاقيك
الي ممكن يكون حياتك
والي في وجعك يحتويك
بس حاسب من الغرور
الي تحس براحه بنور
والي جواه بحر واسع
كل موجه شايل شرور
لو يبان ليك عنوان
انزل افحص المكان
ممكن تلاقي حجات كتير
تعرف بأنه مفيش امان
لحظه تاني استني اقولك
مش بالكلام الخير ادلك
دائما خد الحظر مني
جايز اكون قصدي اذلك
معلش اسف علي الكلام
بس انا قصدي الاهتمام
اتمني كلامي ليكم يفيد
وندي للحرف احترام
عنوان الكتاب
