فرحة العمر
بقلم إيڤيلين موريس
فرحة العمر
شايله الفرح والحب
ومعاها ذكريات قدام عنيا عدت بتجري
كبر الصغير عمر اللي كان لسه بيحبي
وانهارده خطوبته وانا من فرحي بضحك وببكي
ما هو حته من قلبي وكأنه توأم ابني
وذكريات طفولتهم الحلوة تشهد علي كلامي وتثني
جمعتهم المذاكرة واللعب وذهابهم مع بعض المدرسه بدري
تليفون صغير الصبح يعني يالا ياصاحبي مستنيك
أنزل دلوقتي
طريق مشوا فيه سوا من كي جي ولحد ثانوي
ولما فرقتهم الجامعة
وكل واحد راح في سكته الوردي
فضل قلبهم مع بعض وحبهم يكبر وينمي
واهو انهارده كانت خطوبة حته من قلبي
علي أميرة حياته
فيارب أجعل دربهم بالحب مبني
واسعد كل ولادك وفرح والدته ووالده
