#فلصو
✍️ #عادل_التعلب
دا مين فينا احترم وعده
ومين وعـــده طلع فلــــصو
ومين فينا رضي ببــعده
ومين ما اختارش غير نفسه
دا شاهد ربنا وحـــــــده
علي اللي ف قلبي وبحـــسه
دا من يوم ما انتي ما بعدتي
وانا عايش يـــادوب صورة
خيال في مقـــــاته مصلوبة
إيديا ونفـــــــــسي مكسورة
أنا عايش لكــــــــن ميـــت
وبشبه دنــــيا مهجـــــــورة
مفيش فـــــــيها ولا مخلوق
يادوب فيها خيال أشباح
يداعبني الحنين والشــــوق
ويقتلني في ليل وصباح
وفجأة اصحا ولما أفــــوق
كأنه زي حـــــلم وراح
يا بعد ارحل كفــــاية أبوس
انا راسك وهاتـهالي
بقيت عايش حياتي كابوس
وليل مفزع شبه حالي
وانا جوه الدموع محبوس
ودمع عنيا راس مالي
وعدتك إني ها خلصــلك
واديني بوفي بوعـــودي
وقولتي بأن انا أصـــــلك
وأصلك حن لك عــودي
دا كل مافيا اهو رخصلك
وكل ما فيكي دا شهودي
أنا اللي الجفن دا سجني
ورمش عنيكي قضباني
وتهمة حبسي أكون مجني
عليه والذنب إدماني
مشاعر قلب اهو بيجني
آلام من فرقه ضماني
أكيد من جوه حــــسا بي
لان انا فيكي متخبي
يا مالكة حتي أعـصابي
ونبض عروقي مع قلبي
دا أيمته هاتعملي حسابي
وايمته تشعري بحبي
دا أنا قلبي مالوش متــــوي
ولا مرسي سوي عــــندك
وحالف قلبي انا ما اهـــوي
ولا هاعشق في يوم بعدك
هاتيلي ألف مية فـــــــتوي
تقول حل الهوا ..بُعــــدك
دا من أيمته البعاد كان حل
مدام فينا الهوا ســــــــــــاكن
وأيه بس اللي دخل عـــقل
عشان يفرض ســؤال .. لكن
أنا راضي بحياة الـــــــذل
في حبك ..طول ماهـو ماكن
هاعيشلك طول مانا عايش
لحد ما قلبي يــــــــتوفى
وهاكتب شعر وقصـــــايد
ولا هاشـبع ولا استكفى
في كفه الخلق والعــــــالم
ووحدك بس في الكــفه
ومهما يكون كدا ويحصل
مش انتي اللي تخون عشرة
وعمر المـــــــعدن الاول
ما يصبح فلصو أو قـــشرة
و قلبك مش ها يتــــحول
ولا اللي مابينا
راح يصبح ف يوم ذكري
أنا بدعي بإني أعيـــــش
لحد ما عيني تلمحـــــــــــها
وابص في عينها واتمـلا
واشوف من تاني ملامحــها
ولو كانت ف يوم بعدت
خلاص قلـبي مسامــــــحها
✍️ #عادل_التعلب فلصو
