المقالات
في عيد الحب
في عيد الحب
بقلم إيڤيلين موريس
في عيد الحب
في كل كتاب بلاقي كلمه ترويني
أعيش أنا بيه وأحيا أنا فيه
واحس الكون بإحساس طفل
حاضني مدفيني
الحب
هو العبير لوردة نادية
فاح عطرها وسط النفوس
خرجت وشوش تانيه
دخلت قلوب ومن وسط شوك
نبتت بذور حيه
الحب
لوحة رسمتها أيد فنان
قمر شق السماء ..طل من وسط السحاب
ومن ضيه لمعت عيون غزلان
الحب
غنوه غنتها نجات وعبد الحليم وعبد الوهاب
اتكتبت بمشاعر واحساس واتلحنت بلحن كله حنان
الحب
إنسان عارف معني الإنسانيه
وعرف يترجمها لأعمال وقدم بمعناه إحسان
الحب هو الله
الله المحبه اللي علمنا نحب بلا شروط ولا أسباب
كل حب وانتم طيبين و أحباب
