ف وسط الكلام كلمات/فتحي ابو طاحون. ألو.. ألو..يااااه. كل دا بتفكري. تردي ولا ما ترديش.. لا انا قاتلك قتيل.و لا ف حبك درويش.. مبادئك ليه بتتغير؟ ليه طبعك يجن ويحير؟؟ كنت فاكر نفسك طويل. طلع نفسك قصير؟؟!! آه يا زمن طلعت كداب. مابقتش زمن الصحاب..و لا عاد فيك أحباب... بيدقوا علينا الباب!!!! بقيت زمن المصالح. فاتح دراعاتك للطالح.. قالب الموازين بتدوس، على الجدع والصالح!!!! قلوبنا ليه بقت عامية.؟ ف إيدين الناس بقت دومية؟! ليه الخيانة فوق رمش العين؟ ليه الأصل صبح بالدين؟؟ وعايشين بالوهم والأحلام. نبني ف قصور وابراج حمام!! ولما بنيجي نعاتبهم، بيتوهو ف وسط الكلام!!!! ف وسط الكلام
