قرب مني

قرب مني
بقلمي الشاعر محمد عبد العزيز رمضان
أنا كل ما أقولك قرب مني
ألاقيك زعلان
أنا خايف يبقى الحب ما بنَّا
مالهش مكان
يا خسارة ياقلبي قتلني بكلمه
وباعني وخان
فكرته حبيبي وروحي وقلبي
مالهش أمان
قدر إنه يحطم حلمنا يهدم
روح إنسان
صدقته وقلت دا هو نصيبي
ونبع حنان
توهني رماني في آهه وغربه
سنين أحزان
آه منه القاسي أبو قلب أناني
وآه يا زمان
أنا كل ما أقولك قرب مني
ألاقيك كداب
ويا ريتني قفلت مابيني وبينك
مليون باب
وخلاص الحب ما بنَّا يا قلبي
لقيته سراب
كان نفسي يرد عليا بكلمة
ألاقي جواب
سهرني وسبني لوحدي أتألم
آه يا عذاب
آه منه وآه من ظلمه ظلمني
بقينا أغراب
مش فاكر يوم ما وعدني وقاللي
ما بنَّا كتاب
قصة ومرسومة في قلبي وقلبك
شوق غلاب
مش ممكن يبقى مابنَّا حبيبي
خصام وعتاب
وخدعني بنظرة وكلمة وهمسه
وسابني وغاب