قصيدة (( ام الشهيد))
كلمات عاصم بكر علي منصور
قولي يا دفعه راح فين ابني البطل الهمام
كان واقف مكانه و شايل سلاحه وكله تمام
قوله عروستك بتتجهز و فرحك يدوب ايام
تعالي يابني لجل مايخلص في مابينا الكلام
اخدك في حضني واضمك لصدري لحدماتنام
طالت الغيبه يابني و جفني ما عاد قادر ينام
ابوك جهز لك الشقه ماباقي الا قشاني الحمام
شقيان طول عمره مستني يشوفك عريس يوم
واخوك فرحان بيعلقل الزينه تنور تلف الزمام
وحالف يركبك حصان و يمسك با ايده اللجام
خالك وعمك يرقصولك.بالعصا وسط الزحام
قولوله يرجع كفايه بس يجي ويرمي السلام
اقولك ياامي ابنك بطل غدروا بيه شوية لائام
واقف اسد وصوته يرعب قلوبهم وسط الظلام
غدروه واقف يحمينا علشان مصر تنهض للامام
ياامي ابنك ماخاف استقبل الموت فارس مقدام
اغتالوه يوم الشمس غابت والسما اتملت غيوم
طاله رصاص الغدر من عدوا بفكره المسموم
رصاصهم صابك يا ولدي حالوا علينا يوم شوم
النهارده بتدفع الثمن غالي من فكرهم المعدوم
ابني راح و ما عاد مكان للفرح في بيتنا يدوم
ضحكته كانت نورالبيت اللي عشش فيه الهموم
كافنوه في ثيابه عريس بلاش تنزعواعنه الهدوم
وقولوله الشهيدفي الجنه لما يجي اليوم معلوم
بلغوه سلامي لحد لما نتقابل عند الواحد القيوم
مستنياك تاخدني من ايدي للجنه لماالقيامة تقوم
قصيدة ( ام الشهيد)
كلمات عاصم بكر علي منصور
