مش بعيد
بقلم الكاتب
محمد عباس
الاسماعيليه
مش بعيد حلمي يتحقق يوماتي
مش جديد غنوة بسمعها ليلاتي
مش كتير علي قلبي يفرح مرتين
بعد طول الصبر هيلاقي الحنين
بعد قسوة دهر هيروح الانين
بعد صحوة هجر هنقول للسنين
الحياة للحب باقية
والكلام طيب وزين
والسهر في الدنيا يحلي
لما تتمد الايدين
تطيب الجرح الدفين
بالاشارة والامارة
القلوب تحضن وتعشق
والشموع تمحي الدموع
والعيون تبعت رسايل
نور بيشرق للسطوع
للي صادق واللي خاين
واللي طبعه لسه شاين
هي كلمة بس قولها
تلقي كل الصعب لاين
ابتسامه ع الخدود
والشفايف والذنوب
والاماني في المعاني
نعمل ايه علشان نتوب
صحوة العقل وفراغه
والضمير واقع في محنة
كلمة حلوة جوا سحنة
بوسة دوسة والا شحنة
والامل في بكرة جاي
والايدين تعزف بناي
فرحة طارحة للي غاي
بس اوعي تقول ازاي
