قصيدة ( عيونك سفينتي )

بتاريخ 1/8/2023
قصيدة ( عيونك سفينتي )
بقلم الشاعر المصري أحمد إبراهيم النجار

عيونك سفينتي
وننك حكايتي
يا ساكنة ف قلبي
من وسط الألوف

عشقتك كتبتك
ما بين الحروف
نقشتك رسمتك
فوق الكفوف

هويتك ندهتك
وبحلم أشوف
ربيعك ملوّن
كل الورود

يا عطر بروايح
سارح وفايح
خضار الجناين
ف نن العيون

يا صافية وبريئة
وأجمل حقيقة
بوصفك وطيبتك
بطيبة بتول

بعفة مشاعر
يا مسحة المواجع
وجودك بيمحي
عذاب السنين

وقربك بيحي
فيا الحنين
يا عطر الحياة
يا درب الزهور

عشقتك كتبتك
قصيدة بحروف
بلهفه مشاعر
فى لحظة شروق

وروحي بتجري
عليكِ بحنان
وبغزل حروفي
و شد الرحال

لبحر عيونك
لنن الخضار
ربيعك وطارح
بحسن الجمال

يا أحلى حورية
جميلة ف عينية
يا سكر مكرر
فى غزل البنات

بأجمل مشاعر
وأجمل صفات
جميلة إبتسامتك
فى قلبي رسمتك
عشقتك عشقتك
بكل اللغات

بكل المعاني
بكل الأغاني
فى سلم موسيقي
بردد نشيدي

فى كل الثواني
فى كل الدقايق
فى كل الساعات

نشيدي بحبك
ودايب ف حُبك
بينبض فؤادي
بحبك بنادي

و حضنك ميلادي
يا أجمل حروف
فى كل الأسامي
فى كل اللغات

بحبك يا عمري
يا ساكنه فى حلمي
وننك سفينتي
يا رحلة بدايتي
يا أحلى البنات

بقلم الشاعر المصري أحمد إبراهيم النجار