قصيدة كان زمان/بقلم: الاديب عاصم بكر علي منصور
كان زمان كان فيه حب وبينا طيبه حنان
كانت لمتنا لبعض مليانه نبع حب و امان
بتدفي القلوب الحزينه ليالي الشتاالبردان
إحنا لسه يا دنياعايشين بخير ناس زمان
كنابنضحك.ضحكتناصافيه تصح النعسان
وتقصر الحزن الا عشش في قلب الغفلان
والفرح ما بينا بيعم علي الأهل و الجيران
ليه النهارده بقينا ذكري و كلمه في خبر كان
دي هموم الدنيا ما تساوي في عيونا احزان
القلوب شالت في صدورهم لحظة اشجان
انا لسه فاكر الساقيه بتروي زرعنا العطشان
والعرق مالي جبين الفلاح في الأرض شقيان
بيزرع خير يحصد من تعبه الخير بالاطنان
بيعطي للجميع قلبه بالرضا والايمان عمران
علشان خيره لغيره ولايقبل في يوم احسان
كباية شاي ع الركيه تدوب في لحظة روقان
و صبيه علي الترعه بتتباهي بحسنا الفتان
ساعة عصاري ماشيه بتتمايل عود الخيزران
والزرع طارح خير جوانا امل ينور البستان
نفسي اشوفك زهره ناديه منوره في كل مكا
وتعالوا نرجع تاني غربتنا وكفايه بقي حرمان
ترجع ايام زمان ونحكيها لأولادنا كان ياما كان
قصيدة كان زمان
كلمات الاديب عاصم بكر علي منصور
قصيدة كان زمان/بقلم: الاديب عاصم بكر علي منصور
