قصيدة ((نصيحه من القلب)) 

قصيدة ((نصيحه من القلب))

بقلم الشاعر الاديب عاصم بكر علي منصور

نفسي اقولك نصيحه كلامها طيب ما يوجعش

قدم الخير لكل الناس بس عليه يوم ما تندمش

ال يمشي في طريق الله تاجر كسبان ما يخسرش

يهديك لطريق النور و الحق لغير الله ما تلأجاش

اوعاك تجرح عزيز و بعدين تيجي تقول معلش

علشان كلمة معلش بعد الجرح صدقني ما تنفعش

خليك طيب الروح للخير علي نفسك ما تبخلش

ربك كريم مدايدك بالدعاء بابه مفتوح ما يتقفلش

بتقسي ع القلوب تيجي تطلب الحنيه ما تعرفش

علشان الحنيه صدقني من بعدالجفي ما بتنطلبش

بتشيل النفوس منك لوشالت عمرهاابدا ما تصفاش

منين عايز تطلب الصفي علي نفسك ما تضحكش

صعب الم الوجع لما.يجي من حبيب ما تستهونش

اه و الف اه الم الروح وجعها صعب ما يتوصفش

اياك تغدر بعدين تطلب الامان ال يغدر ما يتامنش

جرح. الغدر جاي من الحبايب بيطول ما ينشفشش

خلي كلامي قدامك طريق و ياريت منه ما تهربش

اللي بيمشي في طريق النور في الضلمه ميخافش

شايل جواك هموم و العمر راح علي دنيا ماتستهلش

السفر قريب والذاد قليل والقبر بيصرخ ما يرحمش

انا كان نفسي اقولك نصيحه و بس مني متزعلش

علشان النصيحة من بعد الغلط صدقني ما بتفدش

قصيده ((نصيحه من القلب))

الشاعر عاصم بكر علي منصور