((قصيدة واه منك يازمن))
كلمات الاديب عاصم بكر علي منصور
واه يابن ادم هي الدنيا مش بالكلام الطيب المحسوس
فيه ناس تتشري بالدهب وقلوبهم صفي زي بريق الماس
ناس معدنهم الطيب بيضوي شعاع ينور الليل قمر وناس وناس بالف وش مهما تشوف الخير و كله غش في غش
ماتصدقهاش الدنياكله بيضحك علي كله ضاع ضمير الناس
ما تعرف الصادق فيهاو الكذاب والكل بقي في الكلام هلاس
لف الدنيا وشوف بنفسك ما راح تلاقي حد شبهك بالمقاس ابن الاصول في زمان الغش عاش لسه قلبه رحمه وإحساس
اصل الاخلاق و الأدب طبع و الطبع عند ابن الأصول أساس
الطبع غالب يادنيا مهما تيجي عليه ولاتعرف ايه جواالانفاس
أماقليل الاصل مهمايعلي بترجع تلاقيه تحت القدم منداس
هو ايه اللي عاد فيكي يادنيا ملوش تمن ولا تشتريه فلوس
بفتح كتاب الزمن نفسي افهمك اتاريكي عايزه ألف قاموس
مسلاسلانه بقيودك طير داخل عاشه جوا القفص محبوس
فاكرانا ها نصدقك و نستني المارد يخرج من قلب الفانوس
ولا لسه رحايا الزمن هاتلف بينا تيجي علينا من تاني وتدوس
ما انتي معيشانا في وهم وبتلفي بينا وحطانا تحت التروس
طب ازاي قوليلي نصدقك ولا نخبط بأيدينا تاني فوق الروس
توب الرجوله يادنيا عصب و ازاي المس بايدي شئ محسوس
وانتي بتخرجينا من حلم نصحي من تاني علي الف كابوس
((قصيدة واه منك يازمن))
كلمات الاديب عاصم بكر علي منصور
