أخر الزمان
الأب يتعب ويشقى ويجمع للعيال
في المال
يتعب ويشقى. يربي وحاله يصبح حال
ولما كبر وانحنا يلقى الولد راح مال
يطلب في ورثه ف حياته ويقول كلام بطال
أو تحجر عليه البنت ويلبسوه في شوال
مش هوده الأب اللي تعب وشال
لما سخنت ياواد وجري عليك في الحال
والأم تصرخ ضنايا وتسهر ليالي طوال
ولما تروق ياخال يبقى مزاجهم عال
كل الأماني عندهم تصبح في أحسن حال
يصرف عليك في علام ويشد بطنه حزام
يلبس قديم والإبن مترتب الهندام
يبات مايغمض له جفن وانت تنام. في.سلام
ولما كبر الإبن تغير حياته مدام
ويقوله. كُل بالسم أنا ياابا عندي عيال
ماهو ياما. طفح. الدم عشان عديم الدم
يحجر عليه ما اهتم
الأب مين يواسيه هو كمان والأم
وكان عطاؤه. جم
مين كان زمان يداديه وكان يجبله المم
ولما مشي في اديه زار بيه الخِيلان والعم
م الفرحة طاير بيه عمال. يبوس ويضم
وحنانه شبعه بيه عمره ماشيله هم
ولما كبر يخويه صاحبه وكان له الضل
وفضل ابنه عليه وساعده لما شب
ولما شاب يرميه
بقى ده جزاء الأب اللي بشبابه فديه
بعد اما هرم الأب فضل صغاره عليه
وبنته عشان الحجر تروح كمان تقاضيه
شفت ف زمنا ظلم نبينا نبأ بيه
إن هيجي يوم يكتر عقوقنا فيه
بقلم الشاعر فهمى محمود حجازى
