تأشيرة فقر
أنا اللي الفقر عض عليا بنيابه
وراضي لحد يوم الدين
مادام مكتوبلي أكون واحد
من اصحابه ومخلص ليا
بقاله سنين
لا يوم ليا قفل بابه
ولا قال انت جي لمين
تملي فاتح جناحاته وتأشيرته
ماهيش غالية ولا بروتين
وتملي الفيزة مفتوحة
لكل الفقرة والمساكين
ومش محتاج لها شنطة
ولا صورة
ماهي صوارنا من العناوين
ومختومة بلا ورقة
وختمها على وشوشنا
وع الكفين
والحبر من العرق صابح لآلئ در
ع الخدين
يدون قصة مرار طافح وفقر عاشق
بقاله سنين
بقلم الشاعر فهمى محمود حجازى
