جوايا بركان
……………..
لوفاكره
إني هسلم
وإن عمري
هفضل ساكت
مش هاتكلم
تبقي غلطانه
أنا جوايا بركان
عمره ماهينطفي
وقلبي مليان
حب وهم وأحزان
ولازم تفهمي
وتحسي وتعرفي
إن أنا إنسان
جواه غليان
وعمر قلبي
ماهيموت
وهيفضل يصرخ
بأعلي مافيه
وهافضل صابر
و لليأس ف يوم
مش هستسلم
علشان جوايا
قلب
عايش جوايا
وإنتي عايشه
جواه
وهتفضلي ف قلبي
هواه
بكل مافيه من حب
وبكل مافيه من نبض
وكل مافيه من آه
ويوم ماتيجي
إيدك ف إيديا
وعينك تجي
ف عنيا
إبقي سيبيني
أسرح فيهم شويه
ما أنا ليكي الحب
وإنتي وحدك العنوان
والإحساس والكيان
ياريت بين إيديكي
تُحضنيني
ماهوقلبي مايل
نواحيكي
ودايماً لما بتيجي
سيرتك
أوألمح صورتك
بفضل أبص عليا
وألاقيني بجري
عليكي
وأنا ملهوف
وتجري الدمعه
ف عيوني من
الخوف
لاتاني ترجعي
تسيبيني
وساعتها مش
هلاقيني
دا الأيام بتمر
سريعه
وبتعدي أوام
ف غيابك….
بفضل محتار
وأفضل أسأل
نفسي أنا رايح
فين
من عيونك..دليلي
ياريت تيجيني
تخليني إنسان تاني
ومن قلبي تخرجي
البركان
بلمسة إيديكي
ونظرة عنيكي
وبين إيديكي
تُخليني
…………….
جلال محمد
2023/7/28
