قصيده بعنوان /دكان شحاته

دكان شحاته

شاعر العاميه جلال محمد
كفرالشيخ
………………
ياعم شحاته!!!!!
ألاقيش عندك حبة
سعاده في الدُكان ؟
إيوه سعاده م اللي
كانت زمان

كانت عندي بس خلاص
دي راحت مني
أهو كله يابني
عايش ف التوهان

طيب عندكش
بجنيه إخلاص
لأ كان عندي
بس خلاص
دمه إتفرق
بين الناس

طب الاحساس ؟
قول شطبنا
بس خلاص
وراح مع عدم
الإخلاص

طب والأخلاق
يخرب عقلك
لسه بتسأل ؟
كانت فعلاً
زادالنبلاء
روح يابني
إبعدعني
كل ماتسأل
مش هتلاقي
بح مبادئ
وبلاها أخلاق
كله شعاره
عيش وإتمنظر
لوغلطان.إحجز
عالي
فوق ف العالي
وإوعي تخسع لهتنداس
……………….

2023/4/7