دلوني يااهل الهوى
كل الببان محجوبة
وخلفهم قضبان
حتى الدموع مسكوبة
وصارت كما الطوفان
لاهمهم دمعنا
ولا حرك الوجدان
أصل الببان مقفولة
وقلبهم سجان
وانا اللي قلبي ضعيف
ماقدرش ع الحرمان
طلبت منهم رضا
قابلوني بالهجران
د انا كنت ليهم دوا
وشط بر آمان
بقيت في بحر هواهم
بصرخ ياناس غرقان
لا نولت منهم رضا
ولا طولت بر كمان
دلوني يااهل الهوى
منين أجيب الدوا
أداوي بيه وجدان
أسيبه غرقان كده
ولا الدوا النسيان
بقلم الشاعر فهمى محمود حجازى
