….دموع العين…..
كلمات يحيى العبادي
============
دموع.. كتير عليك
وقلب……. بيناديك
وشمس .لسه باقيه
بنورها ….بتراعيك
وناس ماسكه الستار
الكل…… في انتظار
المشهد… فيه ثواني
ويكون… بكره مزار
ماهي دنيا ليك معايا
جواها كامله الحكايه
وسنين….. بتمر بينا
ووصلنا……. للنهايه
انت سطور الكتاب
فيك خلصت الشباب
ونسيت حياه كبيره
كبرنا. والشعر شاب
ولسه….. فيه مكان
مرسوم فيه الحنان
تحس …فيه بشوق
وعطر …ايام زمان
ودعته انا.. بالدموع
مكتوب علينا الرجوع
وتفوت احلي ذكري
دموعنا طفت الشموع
=============
كلمات يحيى العبادي
