…………كفايه…………
كلمات يحيى العبادي
==============
كفايه دموع بتوجعني
ونفسي الدنيا تسمعني
واروح في رحلتي اخرها
ارحل ودنيتي تبيعني
كفايه شوفت كتير ياما
وناس في الطبع هدامه
وحزن كبير علي الماضي
ومافي دليل ولا علامه
كفايه انا جبت من الاخر
لاناوي اقول ولا افاخر
ولا عارف اقولكم ايه
انا علي كل شئ ساخر
عيون الناس متبعاني
بقيت منهم انا اعاني
وقلبي بجد واجعني
بتمني اكون واحد تاني
كفايه خلاص انا راحل
انا حساس اوي راجل
ومش هابقي شيء تاني
وبكره ب قبري انا داخل
