* لا مكياج ولا فلاتر *
لا مكياج ولا فلاتر…..
يا ساتــــــــر …..
من جمالك ياساتر….
انا من رموشك هاخدلي ساتـر….
دي نظرةعيونك عامله ولا الرصاص….
بتقسم القلوب نصاص نصاص….
وعلى سحرهم ولا ما قادر.. ..
لا مكياج ولا فلاتر…..
يا ساااااتر……
من جمالك يا ساااااتر…..
لو اوصف في جمالك
ما يكفنيش ولا دستة دفاتر….
كنت فاكر اني في العشق عنتر زماني….
ولماشوفتك وسمعت صوتك
اتريني انا في العشق خايب ولا يوم في الهوى كنت شاطر…
لا رموش عيرة …..
ولا غش في كل تفصيله…
والخدود ورد بلدي ولا تعرف التكشيره…..
أما القوام ….
عود زان تمام التمام….
والرقه والحسن متفصله عليكي بالمساطر….
يلي في جمالك ما رأت زيك عين
ولا حسنك وبهاكي ورد يوم علي خاطر……
احمد ماهر ابو نورا
شاعر الصعيد
٢٨. ٧. ٢٠٢٣
