وإيه يعنى أكون شاعر
وبكتب عن هموم الناس
بقول دايما كلام واعر
بيوصف فينا كام إحساس
كلام يوجع قلوب تاهت
كلام يوصف دموع العين
ويمكن مرة اكتبلك
كلام يوصف جروح وآلام
كلام كتير عن الأيام
ولا مرة وصفت حريم
ولا اتدخلت ف تحريم
ولا تعديت حدود ولا دين
كلامى كله عن دنيا
عايشينها ألم وصراع
فليه يا قلبي تتألم
وليه الفكر يتحير
وليه تبكى كفاية صراع
متسمعشى كلام الناس
عيش الفرحة بكلامك
وعيش الشعر بمشاعر
تخرج فيها إحساسك
وتحضن بيها أوجاعك
ماهتلاقى حد يحضنها
ولا يلمس فيك الإحساس
عزه موسى السعدنى كفر الشيخ
