قصيده بعنوان / ورا كل باب

ورا كل باب

بقلم الشاعر/ عصام الهواري 

ورا كل باب . فى قلب داب . وقلب طاب …………..
وغيره خاب . وعن حياته تاه وغاب …………………
جوه ضلمه ليل غلاب ……………….
واللى حب . واللى طب . واللى دمعه بيصب صب …………………..
واللى شاب وهوا شب ………..
واللى جوه قلبه كب .
حزنه وخد مليون مطب ……………..
ولا مره تاب …………..
ورا كل باب ……………..
اللى هاجر لعيون حبيبه ……..
والسهر كان من نصيبه ……….
واللى سافر قاصد طبيبه ……..
وجوه قلبه سهم صاب …………..
واللى فى الزمان بيمدح . وغيره عاب ……………..
ورا كل باب ……………
فى ناس سعيده . لمه وصحاب …………..
وناس حزينه تشكى العذاب ………………..
وناس متينه . والعقل زينه ……………
وناس غلابه . وناس كدابه ………….
وناس ديابه .
وناس اغراب ……………..
وناس دموعها تبل عينها ………….
وبين ضلوعها ساكن انينها …………
وناس فرحها على الاعتاب …………..
ورا كل باب …………….