يابحر الهوى
يابحر الهوى أمانة عليك
تحضن سري مابين عينيك
بشوف عيونك قلبي يفرح
وكل موجة وموجة تطرح
حنان وشوق في القلب ليك
ساعة العصاري
والكل مش داري
بيخدني الشوق
اكون بين ايديك
يابحر الهوى والليل والقمر
يا أحلا قلب وأجمل من ستر
يا سر عمري وحلمي المنتظر
وبين حناياك تصونه ياقمر
وأسمع همسك وقلبي مطمن
انت حبيبي وحبك إتمكن
ياضي عيني شبيك لبيك
يابحر الهوى ياحب الحبيب
هواك أطيب من الطيب
والعليل في هواك يطيب
يابحر الهوى ضمني
مشتاق لحضنك والنبي
قلبي في بحرك غريق
وموجك بيشدنى
وارجع أدوب في عينيك
كلمات: محمود صلاح
