ياويلي في حبك
خواطر أغاني الأسواني
الشريف_أحمدعبدالدايم
خلاص أشجانى حبك
وضاع منى الشباب
جنيت بدل المحنه
أسى وفرقه وسراب
★★…★★
زمان قالو الأوائل
أصلو الحب عذاب
إذا لامك حبيبك
ولو يوم حتى غاب
تقول ضيع حياتى
وتاب من حبى تاب
★★…★★
وكنت أرى المحبه
هنا وفرحة وسعادة
إذا إتنكر حبيبك
يظل حبك عبادة
★★…★★
ولو غاب عن عيونك
يزيدك حب زيادة
ولمن شفت حسنك
وأطرب قلبى لونك
★★..★★
القيت ليك تحية
ورديت بى عيونك
عرفت شقى الأحبة
كرهت الدنيا دونك
★★…★★
وياما كان غرامك
نبيل يحمل معانى
أثارت فيني ريدك
وأهديت ليك حنانى
★★…★★
وكان أملى ومنايا
أراك يا حبيبى تانى
خلاص أشجانى حبك
وضاع منى الشباب
