الشعرمراة ومنوعات

قصيده عن الغربه

الغربه

  1. كتب /  رضا دسوقي

انا لكبير قبل اوانى
وبختي في الغربه رماني
انا الى زي مفيش
من يشيل حملى ويعيش
بفحت ف الصخر ولا يوم قولت معنديش
راضى بقسمته وطالب رحمته طول ماهاعيش
من باب الصبر يقبلنى
يشلنى من حزنى وهمى
انا اللى هرب دمى
على خبر سمعته عن عمى
وخبر وفاه خالى قتلنى
خدنا ايه من غربتنا
قتلت فينا فرحتنا
وعن حبايبنا فرقتنا
عاوزه ايه منى تانى
مش كفايه من كل دول واخدانى
دانا الكبير قبل اوانى
على فين ياغربه موديانى
على جرح جديد
اشمعنا انا بالتحديد
ما كفاياكى بقى تهديد
دا انا خلاص قلبى حديد
ولا دا وعد جديد
خلاص  وقف التفكير
ومبقتش قادر على التغير
شافونى قالو متهنى
ومين ياناس يشيل همى
لا حضرت دفنه خالى ولا قبلت عزاء عمى
خلاص كبرت قبل اوانى
والغربه زودت احزانى
وقتلت فيا فرحى
مبقتش عارف غير احزن وفتحت جرحى
مين عايش فيها سعيد
وهو عن اهله بعيد
وكل يوم يصحى على خبر جديد
مين مات مين صحي
ما كفياكى ياغربه  عيب استحى
دانا الكبير قبل اوانى
بعدتنى غربتى عن اهلى وخلانى
وانا الصغير على جرحى
ومين يرجعلى فرحى
لو عاوزين فلوسى خدوها
وطلبى سنينى اللى ضاعت ترجعوها
وراسي اللى شابت تسودوها
اخره كلامى اوعى تجربوها
هاقولهالكم وافهموها
انا الكبير قبل اوانى

اكمل القراءة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
آخر الأخبار