….قفلت اوراقي…..

….قفلت اوراقي…..

كلمات يحيي العبادي 

==============

اضحك قوي وافرح

اتقوي وليك مطرح

والكل جي يشوف

احلم كدا واسرح

حلمك بقي معروف

ولكل شخص ظروف

اصل الحكايه فيك

نايلن بينافس صوف

البعد لازم……. يوم

القرب مش هايدوم

الي سمعته الحكايه

وقف وبان مصدوم

علي صوت ضحكتك 

خلي الكلام سكتك

كل الي فيك مصنوع

بكره نشوف دمعتك 

كنت عزيز …وحبيب

من قلبي كنت قريب

شفت فيك كام لون

حسيت كأني غريب

احفظ كلام قولته

حلمي بهواك شيلته

وان كنت باقي عليك

وجعي انت…..كملته

لسه كلام وايه باقي

 مرار العشق ليه ساقي 

وعايز لسه يسمع لك

خلاص قفلت أوراقي