قلبي بينده عليك شعر/ سكنية الصولى بنظرةمن عنيك بألاقى الشوق جديد وبلمسة من إيديك يدوب كل الجليد ولاقي قلبي وليد بيرفرف بين اديك والدنيا تكون ضيا وفروع طايلة السما ويكون بينا اللقا والقلب فرحان سعيد بنظرة من عنيك ٠ ياقلبي طيب وأرتاح وأنده على الأفراح داحبيبك جاى ليك حايغوص جوة فى عنيك حايبوس يحضن إيديك وفى قلبه حايساعيك والكون حايكون سعيد بنظرة من عنيك٠ يازمان وقف علشانى داحبيبى إختارنى وجانى طاير من غير جناحين طالب ود العاشقين والفرح مابين قلبين بتقول فى الشوق وتعيد بنظرة من عنيك أنا جاية أقول باحبك وأخلى الناس تحبك والدنيا تعيش فى سرور والضلمة تشوف النور والحزن يطق يغور مدام الحب فريد
