قلب الأب
قلب الأب
بقلم الشاعرفهمى محمود حجازى
انت عارف يابني لو فتحت قلبي
فين هتلاقيك
جوه قلبي معلي نبضي
وبعمري افتديك
لو هتفهم إحساسي بيك
وازاي ببيع حياتي ومشتريك
كنت هتشلني ف عنيك
كنت تتمنى ان اكوم العمر جنبك
أحتويك
لوحسيت معنى أب عاش
يحب ويعطي ليك
وإن ابوك عاش يعطي حب
كان محتاج إليه وعطاه إليك
كان محتاج لحضن أب
مات عشان بلده تراعييك
كنت دايما واخدك ف حضني
وأقول ياإبني الحضن ده
ملك ليك
وانا اتحرمت تملي منه
علشان كده عوضته فيك
كنت دايما ببكي عشانه
وأقوله ياابا مشتاق إليك
ومحتاجة إيدي للمست إيديك
تحضن في إيدي ويلمس وريدك
ملمس وريدي
وتدفي دمي بلمست حنينك
وضحكت عينيك
كنت دايما بحلمبه راجع
رغم موته ورغم إن
الحلم فيك
بس كل حلمي عوضته
بنظرة عينيك
وكنت اخاف للعمر يجري
ولا أموت ما اتهنى بيك
ولا لحظة تنسى حضني
اللي جواه يفتديك
كنت خايف يابن عمري
لتلقى قدري
وماتلقى أب يحتويك
يبقى حضنك برد قارص
وحزن دايم ماينتهيش
تبقى ماشي بين حبايبك
شمعة أيده
وحزن قلبك مابينطفيش
تبقى راسم أحلى بسمة
فوق شفايفك وجوه
قلبك ماتلاقيش
زي طير فى وسط مطره بردان
وجسمه مافهش ريش
كنت بتغطى ببسمة لجل وسط
طفولتي أعيش
ولجل أفرح الأحبه زي صيني
ف وسط نيش
منظر وزينه وشكل يفرح
وان خرج م النيش مافيش
ينكسر وسط الحجاره
والحجارة قلوب سوادها
ماينتهيش
والنيش ياابني كان عمري
اللي زوقته ببسمه
لجل وسط ضعفي اعيش
لأن من غير أبويا زي اللي
متكفن في قبر
والكفن كان كله خيش
بقلم الشاعرفهمى محمود حجازى
